back

index

next

33  Ҳангоме  ,  ки фиристодагони мо назди Лут омаданд  ,  аз дидани онҳо бадҳолу дилтанг шуд  ,  гуфтанд : «Натарс ва ғамгин мабош  ,  мо ту ва хонаводаатро наҷот хоҳем дод  ,  ҷуз ҳамсарат  ,  ки дар миёни қавм боқӣ мемонад .

34  Мо бар аҳли ин шаҳру ободӣ  ,  ба хотири гуноҳонашон  ,  азобе аз осмон фурў хоҳем рехт» .

35  Ва аз ин ободӣ нишонаи равшане (ва дарси ибрате) барои касоне  ,  ки меандешанд  ,  боқӣ гузоштем .

36  Ва мо ба сўи «Мадян»  ,  бародарашон «Шуайб»-ро фиристодем  ,  гуфт : «Эй қавми ман! Худоро бипарастед ва ба рўзи бозпасин умедвор бошед ва дар замин фасод накунед» .

37  (Вале) онҳо ўро инкор карданд ва ба ин сабаб зилзила ононро фаро гирифт ва ҳангоми бомдод дар хонаҳои худ ба рў афтода ва мурда буданд .

38  Мо тоифаи «Од» ва «Самуд»-ро низ (ҳалок кардем) ва масканҳои (вайроншудаи) онҳо барои шумо ошкор аст  .  Шайтон аъмолашонро барои онон ороста буд  ,  бинобар ин ононро аз роҳ (-и Худо) боздошт  ,  дар ҳоле  ,  ки бино буданд .

39  Ва «Қорун» ва «Фиръавн» ва «Ҳомон»-ро низ ҳалок кардем  ,  Мўсо бо далелҳои равшан ба суроғашон омад  ,  аммо онон дар замин бартариҷўӣ карданд  ,  вале натавонистанд (бар Худо) пешӣ гиранд .

40  Мо ҳар як аз ононро ба гуноҳонашон гирифтем  ,  бар баъзе аз онҳо тўфоне аз сангреза фиристодем ва баъзе аз онҳоро сайҳаи осмонӣ фурў гирифт ва баъзеи дигарро дар замин фурў бурдем ва баъзеро ғарқ кардем  .  Худованд ҳаргиз ба онҳо ситам накард  ,  вале онҳо худашон бар худ ситам мекарданд .

41  Масали касоне  ,  ки ғайр аз Худоро авлиёи худ баргузиданд  ,  масали анкабут (тортанак) аст  ,  ки хонае барои худ интихоб кардааст  ,  дар ҳоле  ,  ки сусттарини хонаҳо хонаи анкабут аст  ,  агар медонистанд .

42  Худованд он чиро ғайр аз Ў мехонанд  ,  медонад ва Ў Шикастнопазир ва Ҳаким аст .

43  Инҳо мисолҳое аст  ,  ки мо барои мардум мезанем ва ҷуз доноён онро дарк намекунанд .

44  Худованд  ,  осмонҳо ва заминро ба ҳақ офарид  ,  дар ин нишонае аст барои мўъминон .

45  Он чиро аз китоб (-и осмонӣ) ба ту ваҳй шудааст  ,  тиловат кун ва намзро барпо дор  ,  ки намоз (инсонро) аз палидиҳо ва гуноҳ бозмедорад ва ёди Худо бузургтар аст  .  Ва Худованд он чиро анҷом медиҳед  ,  медонад .

46  Бо аҳли китоб ҷуз ба равише  ,  ки аз ҳама некўтар аст  ,  муҷодила накунед  ,  магар касоне аз онон  ,  ки ситам карданд ва (ба онҳо) бигўед : «Мо ба тамоми он чӣ аз сўи Худо бар мо ва шумо нозил шудааст  ,  имон овардаем ва маъбуди мо ва шумо яке аст ва мо дар баробари Ў таслим ҳастем» .

47  Ва ин гуна  ,  китоб (-и Қуръон)-ро бар ту нозил кардем  ,  касоне  ,  ки китоб (-и осмонӣ) ба онҳо додаем  ,  ба ин китоб имон меоваранд ва баъзе аз ин гурўҳ (-и мушрикон) низ ба он мўъмин мешаванд ва оятҳои моро ҷуз кофирон инкор намекунанд .

48  Ту ҳаргиз пеш аз ин китобе намехондӣ ва бо дасти худ чизе наменавиштӣ  ,  мабодо касоне  ,  ки дар садади ( инкор ва) ибтлои суханони ту ҳастанд  ,  шакку тардид кунанд .

49  Вале ин оятҳои равшане аст  ,  ки дар синаи донишварон ҷой дорад  .  Ва оятҳои моро ҷуз ситамгарон инкор намекунанд .

50  Гуфтанд : «Чаро мўъҷизоте аз сўи Парвардигораш бар ў нозил нашудааст ? !»  .  Бигў : «Мўъҷизот ҳама назди Худост (ва ба фармони Ў нозил мешавад  ,  на ба майли ман ва шумо)  .  Ман танҳо бимдиҳандаи ошкоре ҳастам» .

51  Оё барои онон кифоят намекунад  ,  ки ин китобро бар ту нозил кардем  ,  ки пайваста бар онҳо тиловат мешавад ? ! Дар ин  ,  раҳмат ва тазаккуре аст барои касоне  ,  ки имон меоваранд (ва ин мўъҷизаи бисёр равшане аст) .

52  Бигў : «Ҳамин бас  ,  ки Худо миёни ман ва шумо гувоҳ аст  ,  он чиро дар осмонҳо ва замин аст  ,  медонад  .  Ва касоне  ,  ки ба ботил имон оварданд ва ба Худо кофир шуданд  ,  зинёкорони ҳақиқӣ ҳастанд .

53  Онон бо шитоб аз ту азобро металабанд  .  Ва агар мавъиди муқарраре таъйин нашуда буд  ,  азоб (-и илоҳӣ) ба суроғи онҳо меомад ва саранҷом ин азоб ба таври ногаҳонӣ бар онҳо нозил мешавад  ,  дар ҳоле  ,  ки намедонанд (ва ғофиланд) .

54  Онон бо шитоб аз ту азоб металабанд  ,  дар ҳоле  ,  ки ҷаҳаннам ба кофирон иҳота дорад .

55  Он рўз  ,  ки азоб (-и илоҳӣ) онҳоро аз болои сар ва поини пояшон фаро мегирад ва ба онҳо мегўяд : «Бичашед он чиро амал мекардед»  ,  (рўзи сахту дардноке барои онҳост!) .

56  Эй бандагони ман  ,  ки имон овардаед! Замини ман васеъ аст  ,  пас танҳо маро бипарастед (ва дар баробари фишорҳои душманон таслим нашавед) .

57  Ҳар инсоне маргро мечашад  ,  сипас шуморо ба сўи мо бозмегардонанд .

58  Ва касоне  ,  ки имон оварда ва корҳои шоиста анҷом доданд  ,  ононро дар ҳуҷраҳое аз биҳишт ҷой медиҳем  ,  ки наҳрҳо дар зери он ҷорӣ аст  ,  ҷовидона дар он хаҳанд монд  ,  чӣ хуб аст подоши амалкунандагон!

59  Ҳамонҳо  ,  ки (дар баробари мушкилот) сабр (ва истиқомат) карданд ва танҳо бар Парвардигорашон таваккул мекунанд .

60  Чӣ басо ҷунбандае  ,  ки қудрати ҳамли рўзии худро надорад  ,  Худованд ў ва шуморо рўзӣ медиҳад ва Ў Шунаво ва Доност .

61  Ва ҳар гоҳ аз онон бипурсӣ : «Чӣ касе осмонҳо ва заминро офаридааст ва хуршеду моҳро мусаххар кардааст ? »  .  Мегўянд : «Аллоҳ!»  .  Пас бо ин ҳол чӣ гуна ононро (аз ибодати Худо) мунҳариф месозанд ? !

62  Худованд рўзиро барои ҳар кас аз бандагонаш бихоҳад  ,  густарда мекунад ва барои ҳар кас бихоҳад танг месозад  .  Худованд ба ҳама чиз доност .

63  Ва агар аз онон бипурсӣ : «Чӣ касе аз осмон обе фиристод ва ба василаи он  ,  заминро пас аз мурданаш зинда кард ? »  .  Мегўянд : «Аллоҳ!»  .  Бигў : «Ҳамду ситоиш махсуси Худост»  ,  аммо бештари онҳо намедонанд .

64  Ин зиндагии дунё чизе ҷуз саргармӣ ва бозӣ нест ва зиндагии ҳақиқӣ сарои охират аст  ,  агар медонистанд .

65  Ҳангоме  ,  ки савори бар киштӣ шаванд  ,  Худоро бо ихлос мехонанд (ва ғайри Ўро фаромўш мекунанд)  ,  аммо ҳангоме  ,  ки Худо ононро ба хушкӣ расонд ва наҷот дод  ,  боз мушрик мешаванд .

66  (Бигузор) он чиро (аз оятҳо) ба онҳо додаем  ,  инкор кунанд ва аз лаззатҳои зудгузари зиндагӣ баҳра гиранд  ,  аммо ба зудӣ хоҳанд фаҳмид!

67  Оё надиданд  ,  ки мо ҳарами амне (барои онҳо) қарор додем  ,  дар ҳоле  ,  ки мардумро дар атрофи онон (дар беруни ин ҳарам) мерубоянд ? ! Оё ба ботил имон меоваранд ва неъмати Худоро куфрон мекунанд ? !

68  Чӣ касе ситамкортар аз он кас аст  ,  ки бар Худо дурўғ баста ё ҳақро пас аз он ки ба суроғаш омадааст  ,  инкор намояд ? ! Оё ҷойгоҳи кофирон дар дўзах нест ? !

69  Ва онҳо  ,  ки дар роҳи мо (бо ихлоси ният) ҷиҳод кунанд  ,  ҳатман ба роҳҳои худ  ,  ҳидояташон хоҳем кард  .  Ва Худованд бо некўкорон аст .

name="_Toc129610368">Сураи

Рум