Katika Sura hii kipo kitisho kikubwa kwa mwenye kuzoea kuwakebehi watu
kwa ishara au kwa maneno, mwenye kukusanya mali mengi, akayahisabu kwa
ajili ya fakhari, na kudhani kuwa mali yake yatambakisha milele duniani.
Na humo vile vile lipo onyo kubwa kwa hao kuwa watatiwa kwenye Moto
mkali unao vuruga miili yao na nyoyo zao, na wanafungiwa milango, na juu
ya hivyo watafungwa pingu humo basi hawataweza kutaharaki wala kutoka.
KWA JINA LA MWENYEZI MUNGU MWINGI WA REHEMA MWENYE KUREHEMU
1. Ole wake kila safihi, msengenyaji! *
2. Aliye kusanya mali na kuyahisabu. *
3. Anadhani ya kuwa mali yake yatambakisha milele! *
4. Hasha! Atavurumishwa katika H'ut'ama. *
5. Na nani atakujuvya ni nini H'ut'ama? *
6. Moto wa Mwenyezi Mungu ulio washwa. *
7. Ambao unapanda nyoyoni. *
8. Hakika huo utafungiwa nao *
9. Kwenye nguzo zilio nyooshwa. *
Ukitaka kusoma Sura nyengine Rejea uliko toka
Ukiwa una shauri au maelezo juu ya tarjuma hii, andika kwa anwani hii qurani-tukufu@geocities.com